واش ارهاب؟ واحد دخل فمارشي نويل فامريكا بكاط كاط.. وقتل وجرح شلى مواطنين فيهم اطفال – تصاور وفيديو

تقتل وتصاب شلى بنادم فكسيدة فامريكا. لكسيدة دارتها كاط كاط دخلات فمارشي نويل فمدينة واكيشا فولاية ويسكونسون. بوليس هاد الولاية قال باللي لحد الان تجرح 40 شخص منهم اطفال كلهم داوهم للصبيطار، و5 ماتو.
البوليس قال باللي تطلق القرطاس من قبل بوليسي باش يوقفو الطونوبيلة، وشدو شي واحد مشكوك فيه وكيديرو المعاينة للطونوبيلة اللي دارت هاد المأساة.
دابا التحقيقات كتخدم حتى فرضية العمل الارهابي.
هاد الحادث وقع بعد سيمانة عرفات توتر فالولاية مع تبرئة المريكاني كايل ريتنهاوس من تهمة قتل جوج رجال العام اللي فات خلال أعمال شغب وتظاهرات احتجاج على عنف البوليس فكينوشا على بعد تقريبا 80 كيلومتر من واكيشا.
Just arrived in #Waukesha. Here's a few initial photos from the scene where a car plowed into the Christmas Parade Sunday evening. pic.twitter.com/tMDrI2buYB
— Mike De Sisti (@mdesisti) November 22, 2021