وفينك يا الوالي اليعقوبي واش تقدر على الزعيترات. ملاك تجزئة باب البحر ب"لامارينا" قدمو شكاية بابو زعيتر: طلع قوادس بلا قانون – تصويرة

قدم ملاك اقامة باب البحر التجزئة 1 شكاية الى المدير العام لوكالة تهيئة ابي رقراق ضد ابو زعيتر قبل اسبوع.
الشكاية اللي وقعها وكيل اتحاد الملاك بهاد التجزئة وعند "كود" نسخة منها" فيها انو نهار 22 نونبر عاين خرق قانوني من طرف احد الملاك وكيقصد ابو زعيتر.
الشكاية زادت "يتمثل في احداث ثقوب على مستوى الواجهة بهدف تثبيت انابيب المداخل الخاصة بالمحل التجاري رقم C3 على طول الواجهة الامامية للعمارة رقم M2B1 المطلة على ميناء الترفيهي للمارينا".
واكد البيان ان هاد الشي مخالفة قانونية بموجب قوانين الملكية المشتركة والقوانين المعمول بها في مجالي البناء والتعمير" كما اكد ان هاد السيد داير هاد الشي بلا ترخيص.
الشكاية اكدت ان هاد المخالفة كتشوه البناية وغادية تزعج سكان الشقق بريحة الماكلة.
وطالبت الشكاية من المدير العام اعطاء اوامرو للجهات المختصة باش طبق القانون مع هاد السيد.