غباء وتفاهة أنفليونسر. أمين HLS باغي يدخل صحة لولاية مراكش بالشورط وبغى يرجع منها قضية

واحد الأنفليونسور سميتو أمين كيدير هادشي ديال الماكلة هيلتي ومشهور هو ومراتو بالرياضة والضحك على الانستكَرام، دار بوسط اليوم كينكَر فيه حيت مخلاوهش يدخل الولاية ديال مراكش بالشورط.
أمين قال أنه مشى يحط الباسبور ديال ولدو الصغير لكن رفضو يقبلو ليه الوراق بسباب لباسو، ومن غير هادشي بغا يدير من هاد القضية قضية رأي عام ويوصلها الصحافة.. ايوا ميكون غير خاطرك نيت.
لي خاص يعرف السيد لي باغي يستغل المتتبعين باش يدير من هادشي قضية راي عام أنه خاطئ وغارق حتال الوذنين، حيت ماكينش شي إدارة في المغرب كيدخل ليها شي واحد بالشورط.
أمين لي باغي يبدل القانون او شروط دخول الادارة العامة، خاص يعرف أنو كاينة شي أمور وخاصها تطبق. ممكن خاص شي حد يتغير ولكن هادي خدمة اخرى.