موصيبة هادي.. بالغلط طبيبة قطعات لشخص رجلو الصحيحة بلاصة المريضة!

قصة مأساوية ديال بصح وقعات في النمسا بعدما غلطات طبيبة وعوض تحيد لشخص رجلو ليسرية اللي مريضة صدقات قاطعة ليه رجلو ليمنى اللي باقة صحة وسلام. العملية الجراحية كان دارها السيد فشهر ماي الفايت ف كابيني "فريشتات" بمدينة لينز النمساوية.
هاد الخطأ الطبي كلف الطبيبة المعنية خطية قيمتها 2700 أورو فقط، وأيضا خدات أرملة المريض اللي توفى مسكين قبل أن توصل القضية للمحكمة، تعويض ديال 5 آلاف أورو!
المحكمة بمدينة "لينز" قالت أيضا أن الطبيبة، اللي عندها 43 عام، ارتكبات خطأ كبير بزاف بسبب الإهمال، وما عرفات أنها غلطات حتى دازت يوماين على العملية الجراحية اللي دارتها للشخص.
ومع ذلك مزال الكثير من الناس فالمنطقة كاعيين على هاد الحكم اللي بان ليهم مخفف وغير منصف وفيه حكَرة وقلة اعتبار من ناحية احترم روح وذكرى الشخص اللي مشا ضحية هاد الخطأ الطبي، خصوصا وأنه مات من بعد.. بعدما عاش أيامو اللخرة مدمر نفسيا فاش ضاع فرجلو الصحيحة قبل المريضة.