ضربة خايبة لبلادنا ولصورتنا فالعالم.. شركة راينير المشهورة انسحبات من السوق المغربية بسبب استمرار اغلاق الحدود الجوية

ضربة خايبة لصورة بلادنا فالعالم، ضربة غاتكون تداعياتها الاقتصادية والمالية قاسية على السياحة فالمغرب، بعد انسحاب شركة الطيران "راينير" من السوق الجوية المغربية، بسبب قرارات الاغلاق المرتبكة لي اتخدات الحكومة.
موقع مغرب إنتليجنس، لي جاب "سكوب" ديال هاد اعتزام شركة الطيران الأيرلندية Ryanair الانسحاب نهائيا من المغرب. كشف بلي كاينا علاقة سيئة بين هاد الشركة والسلطات المغربية.
هاد الشركة سبق ليها علنات فبيان معروف انسحابها ها من السوق المغربية الى غاية فاتح فبراير.
دبا فبراير قريب، ومكاين تا فتح الحدود، هادشي دفع الشركة نحو الانسحاب نهائيا من المغرب.
الاغلاق المتتالي وسوء تدبير المجال الجوي خلا هاد الشركة تنزعج وتغضب من القرارات المغربية، خصوصا وان عندها التزامات قدام الالاف من الركاب لي كيستعملوها.
وزير الصحة والحماية والاجتماعية استبعد فحواراتو الأخيرة فتح الحدود، وقال هاد القرار ماشي بيد اللجنة العلمية.
يشار إلى أن عدد من اعضاء اللجنة العلمية فالمغرب طالبو بفتح الحدود عاجلا وبلي مكاين تا معنى للاغلاق من الناحية الصحية والاقتصادية.
http://www.maghreb-intelligence.com/ryanair/