أول رد على الحملة الغريبة ضدو..أخنوش: تعرضنا للتشويش والهجوم بطرق غير أخلاقية وبالكذب.. وغادي نواجهوها بالعمل و"أغراس أغراس" وحنا ناس ديال العمل ومغاديش نتراجعو

عزيز أخنوش، رئيس حزب التجمع الوطني للأحرار ورئيس الحكومة، رد على الحملة اللي تعرض عليه مؤخرا، بالقول "كاينين هجمات بطرق غير أخلاقية علينا وبالكذب والمغالطات".
وأضاف أخنوش، خلال كلمة افتتاحية للمؤتمر الوطني السابع لحزب التجمع الوطني للأحرار، "هاد الحملات غانواجهوها باغراس أعراس والعمل ونحققو التنمية".
وتابع المتحدث "عندنا أمانة سيدنا وتكليف شعبنا حنا ناس ديال الكلمة والعمل ومكنهضروش بزاف وكنشتغلو ".
وشدد المتحدث انه مغاديش نهبطو للشعبوية وميمكنش نسيسو محاربة الفساد، وغادي نحاربو الفساد ماشي بالخطابات بل بالعمل.
وأضاف المتحدث "غاديش نتراجعو على البرنامج الحكومي وغانحاربو الرشوة والفساد"، موضحا "يمكن نزعجو البعض حيث رجعنا الهيبة لمؤسسة رئاسة الحكومة"
وتابع" حنا حاضرين فوقت الشدة وغادي نحققو تنمية لبلادنا"
وأكد اخنوش أن المغاربة ثاقوا في حزب الأحرار وعطاو الرتبة الاولى ف الانتخابات ديال 8 شتنبر، واصفا الأخيرة بأنها عرس ديمقراطي.
وتابع المتحدث "حنا اول قوة سياسية في المغرب بعد الثقة لي عطاونا المغاربة نهار 8 شتنبر" ، مردفا "الأغلبية غادي تبدل مجهود باش يخرج المغرب من الأزمة".