مانويل ماكرون ومارين لوبين فالدور الثاني فالانتخابات الرئاسية ونهاية للاشتراكيين وضربة لليمين المحافظ

مانويل ماكرون ومارين لوبين هما اللي غاديين يتنافسو. ماكرون جاب 28.1 بالمائة من الاصوات وجات لوبين عن اليمين المتطرف ب23.3 فيما حصل مرشح اليسار الراديكالي جون لوك ميلانشون على 20.1 بالمائة
وعليه بعد 15 يوم غادية تكون جولة ثانية تحسم الرئاسة ففرانسا بين الليبرالي الرئيس المنتهية ولايته وبين المحافظة ممثلة اليمين المتطرف لوبين.
اللي كلى لعصا الليلة هو الحزب الاشتراكي اللي كانت مرشحة ليه ان هيدالكو اللي جابت فقط 2.1 بالمائة. حتى اليمين المحافظ كلى لعصا. مرشحتو بيكريس جابت 4.8 بالمائة
الاشتراكيون واليمينيون ديما كان كيكون منهم رئيس الدولة ففرانسا فالجمهورية الخامسة. ايمانويل ماكرون خربق كلشي ف2017 وطلع رئيس.
دابا اللي تقوى ففرانسا هو اليمين المتطرف ممثلا فمارين لوبين رئيسة الجبهة الوطنية اللي جابت 23.3 بالمائة ودازت للدور الثاني وايريك زيمور اللي يالله دار حزب وجاب 7 بالمائة.
وتقوى كذلك اليسار الراديكالي ممثلا فميلانشو رئيس القوى الشعبية اللي جاب 20 بالمائة من اصوات الدور الاول فهاد الانتخابات