من بعد غياب طويل.. عادل إمام بان فنهار عيد ميلادو ال82 – تصاور وفيديو

بعد غياب طويل والإشاعات اللي انتاشرت سابقا بحال خبر "الموت" ديالو، أخيرا بان الممثل المصري عادل إمام فتصويرة خاصة بمناسبة عيد ميلادو ال82، اللي احتافل بيه مع فانيلتو نهار الثلاثاء.
التصويرة الجديدة ديال عادل إمام، تنشرات فالكونط ديالو علة موقع "أنستكَرام" وبارطجاوها وسائل إعلام مصرية بمناسبة احتفالو بعيد ميلادو، واللي بان فيها مع خوه المنتج عصام إمام.
https://www.instagram.com/p/CdrUzIZt16T/?utm_source=ig_web_copy_link
ونشر أيضا تصويرة ثانية من نفس حفلة عيد ميلادو ف"تويتر"، وكتب عليها: "كل سنة وأنتم طيبين جميعا".
كل سنة وانتم طيبين جميعا ❤️ pic.twitter.com/7E9ZhX5AZE
— عادل إمام – Adel Emam (@AdelEmaml) May 18, 2022
عادل إمام على حسب ما كشف خوه كيوجد لعمل جديد من إنتاج عصام إمام وغيكون العنوان ديالو "الواد وأبوه"، وما قالش أي تفاصيل أخرى و واش مسلسل ولا فيلم.