عاجل. جوج حصادة ماتو بعدما تقلبات بيهم ماكينة ديال الحصاد نواحي "بن حمد" و آخرين هزوهم فحالة خطيرة

كشفت مصادر مطلعة ل"گود" أنو غير دابا شوية جوج ديال الحصادة ماتو كانو كيحصدو فبلاد قريبة من مدينة بن أحمد فإقليم سطات فيما تصاب الثالت بجروح خطيرة.
وقالت المصادر نفسها، أن الماكينة ديال الحصاد تقلبات بالضبط ف"اولاد امحمد" طريق كشادة واد زامران، مات فيها الشيفور و الگريسون، والبقية فحالة خطيرة ماقبلهمش الصبيطار ديال العلوة ودابا راهم غادين بهم لشي كلينيك فكازا.
وأضافت المصادر ذاتها، أنه فور علمها بالخبر حلت عناصر الدرك الملكي التابعة لمركز "ولاد امحمد" إلى عين المكان، حيت تم نقل الموتى إلى مستودع الأموات فيما تم نقل المصاب إلى أحد المصحات الخاصة، فيما فتحت عناصر الدرك تحقيقا في الحادث تحت إشراف النيابة العامة المختصة لمعرفة ظروف وملابسات النازلة.