اليوم الاحد 19 يونيو 2022 مع السبعة العشية غادية تلعب الوداد البيضاوي ضد حد السوالم فملعب محمد الخامس فكازا. بعد هاد الماتش بساعتين غادية تلعب الرجا ضد شباب المحمدية. البرمجة لهاد الماتشات غريبة. كلشي عارف كاينة منافسة كبيرة بين الحمرا والخضرا على البطولة٬ خصوصا بعد انتصار الراجا على الوداد. بقات بيناتهم نقطة وحدة. علاش اليوم ما تلعبش الوداد ضد السوالم والرجا ضد المحمدية فوقت واحد. غاديين يقولو النقل التلفزيوني. وفين المشكل. ينقلوهم بجوج او ماتش فالرياضية ولاخر فالاولى او بجوج فالرياضية ضد مباشر والثاني يبرمجوه من بعد. دابا الودادييين كيعتابرو البرمجة فصالح الرجا. كيقولو ايلى ربحات الوداد غادية تربح الراجا. جمهور الوداد غادي يفكر بحال هاكا. علاش ما يكونش تكافؤ فكلشي. يلعبو فنفس النهار فنفس الساعة. باش يتسد القيل والقال