ميريكانية فرضات على بنتها تخلص ليها الكرا ديال الشومبر بعدما وصلات ل18 لعام – فيديو

شرطات أم مريكانية على بنتها اللي وصلات ل18 لعام باش تخلص ليها الكرا، إيلا بغات تبقا عايشة فدارهم.
وانتاشر فالسوشل ميديا فيديو للمرا وهي واقفا على بنتها باش تسيني كونطرا ديال الكرا، وتلتازم بللي غتبقى تخلص 100 دولار فالشهر باش تبقا فالشومبر ديالها، وبزاف من المتتبعين انتاقدو هاد التصرف وقالو بللي غتكون عندو نتائج وتأثير خايب على البنت عكس اللي كتتوهم الأم.
جورنال "The independent" كتب على هاد الواقعة، وقال بللي الغرض ديال هاد الأم من هادشي اللي دارتو هو تعلم بنتها تعتامد على راسها.
https://www.tiktok.com/@c_d_g/video/7112179079968804142?is_from_webapp=1&sender_device=mobile&sender_web_id=7106265715677890053
وكيقول الكونطرا اللي سيناتو الأم مع بنتها، أن مدة الكرا هي عام، وخاص الدرية تعطي لمها 100 دولار فبداية كل شهر وماخصهاش تتعطل بزاف وماتفوتش نهار 10 فالخلاص.