سيناريو اخر على وفات توريست سعودي فكازا: كان فحالة انورمال والقضية فيها شكوك ولا علاقة للبواط فموتو

"كود" جابت ليكم رواية اخرى كدور على السعودي اللي مات فالطريق للسبيطار بعد ما هزوه من الغرفة ديالو فلوطيل.
السيناريو مختلف على ما راج البارح، كاينة مصادر كتقول ان الخليجي ماماتش في البواط ومادخلش ليه ليه اصلا، هو نازل فالفندق مع صاحبو اللي من نفس الحنسية، وول البارح خرج من الغرفة و داه مول الطاكسي لوجهة مامعروفا، قبل ما يرجع وهوا أنورمال، مع الحداش، قبل مايتحل الملهى، دخل للسوبر ماركيت وخرج مشا للبحر ورجع وهو سارد، يعني حوايجو فازگين وهو فحالة هستيرية كيغوت "الله اكبر الله اكبر" وكيضرب اللي كيتلقى ليه.
وطلب صاحبو من حراس الامن باش يعاونوه يطلع لبيتو، وهذا ما كان، لكن السعودي تزاد عليه الحال، وبدا كيضرب اللي قدامو، بحيث غلب كلشي، وخا شدوه الفيدورا، ماقدروش يتحكمو فيه، وبقاو كيحاولو غير يمنعوه ميخرجش من الشومبر.. شويا سخف وطاح فالارض.، تما الإدارة ديال الفندق عيطات للبوليس ولاونبيلانص، وفي الطريق دا مول الامانة امانتو.
دابا فين كان السعودي قبل مايرجع للاوطيل؟ واش خدا في شي حاجة طلعات ليه الهستيرية؟ القضية حماضت ورجعات على حراس الأمن الثلاثة اللي معتاقلين وأربعة خرين من الفندق فحالة سراح.
غدا كاين التقديم أمام الوكيل العام ديال كازا والتقرير ديال الطب الشرعي غادي يبين جزء من الحقيقة. اذن السيد ماشي منعوه من دخول البواط بل الواقعة كانت فالغرفة وبحضور صاحبو.
و