وا لمغاربة لملايرية اللي كيشريو باسبورات مالطا راه الاتحاد الاوربي ناض ليكم ولهاد الدولة

كاينين مغاربة ملايرية كيشريو الباسبورات اللي كتسمى باسبورات ذهبية. من الدول اللي كيقصدوها هاد الفئة كاينة مالطا. كيقلبو على باسبور اوربي يدورو بيه العالم واخا ما عمرهم سكنو فهاد لبلاد.
لكن هاد الشي غادي يسالي. بعد غدا لخميس استدعى الاتحاد الاوربي مالطا باش يحاكمها بسباب "جوازات السفر الذهبية" اللي كتعطى للملايرية غير الاوربيين.
هاد لخبار كان علن عليها المفوض الأوروبي للعدالة ديديي رايندرز فتويت على صفحتو نهار 29 شتنبر 2022 قال فيها "راه قيم الاتحاد الأوروبي ماشي للبيع" واتهم "مالطا بانتهاك "القانون الأوروبي من خلال منح الجنسية مقابل أموال أو استثمارات"، بدون وجود أي صلة حقيقية مع هذه الدولة العضو في الاتحاد الأوروبي".
مالطا وشي دول اخرى فالاتحاد او خارجو كيتعطي لاريزياندس او الجنسية مقابل لفلوس. اما استثمار او تشري شي دار وتحدد صفق لثمنها.
الاتحاد الاوربي كيقولو باللي هاد الشي كيعزز "الفساد وتسهل عمليات غسيل الأموال. كما تثير مسائل "أخلاقية وقانونية واقتصادية"، وفقا لبروكسل، التي لا تستبعد أن تخفي هذه البرامج "مخاطر أمنية خطيرة" على المدى البعيد"
مالطا كانت دخلات من هاد الباسبورات 1.1 مليار يورو منذ عام 2013. استثمارات كان مصدرها بشكل رئيسي دول الخليج وآسيا وروسيا وفيهم ملايرية من شمال افريقيا غالبيتهم مغاربة