رجع الوداد الرياضي اليوم الاثنين للتداريب إستعدادا للماتش ديالو ضد إتحاد التواركة الأحد الجاي فستاد دونور، ضمن الجولة 8 من البطولة الإحترافية لكرة القدم. وخاض الوداد الرياضي حصة تدريبية اليوم فتيران بنجلون، من بعدما استفدو اللعابا ديالو من يوم راحة عطاه لهم المدرب الحسين عموتة مكافأة بعد الفوز على مولودية وجدة السبت اللي فات. وركز الطاقم التقني ديال الوداد فالحصة التدريبية ديال هاذ العشية، على إزالة عيا ماتش مولودية وجدة والسفر على اللعابا وكانت الأجواء حماسية خصوصا وأن الفرقة جايبا الرباح من خارج الميدان. وغادي يركز الحسين عموتة واللعابا ديال الوداد هاذ السيمانا كاملة على التدرب فتيران بنجلون، حتى لموعد الماتش ضد إتحاد التواركة الأحد الجاي، وهو الماتش اللي باغيا نربحو الحمرا قبل ما توقف البطولة لمشاركة المنتخب المغربي فكأس العالم، ويحافظ على للصدارة قبل هاذ التوقف ويحاول يوسع فارق النقاط مع المطاردين.
