عمر وأطلس خارج مسابقة دريم آرتيست وإلهام خدات الحصانة.. الاقتراب من اللقب مبقا ليه والو

البارح الاثنين ولأول مرة من نهار بدا برنامج دريم آرتيست خرجو جوج ديال المشاركين عوض واحد وهوما: أطلس وعمر، لي مقدموش على حسب لجنة التحكيم عمل لي في المستوى المطلوب، وكان ممكن يقدمو خدمة حسن.
ومن بعد كثر من شهر على انطلاق البرنامج لي كيحظى بمتابعة كبيرة، بقاو 6 الفنانين لي دازو لمرحلة ربع النهائي، والاقتراب من اللقب ما بقا ليه والو.
في البرايم الخامس كان على المتنافسين يقدمو عمل فني لي ممكن يتحط في الفضاء العمومي، ونجحات إلهام باش تبهر لجنة التحكيم وخدات الحصانة لثاني مرة في الموسم.
ضيف الحلقة كان هو الفنان عصام كمال لي أكد ليهم على أن الحلم هو مصدر الإلهام وشاركهم قصة أغنية "يالله نعيشو الحياة" لي مشهورة عندو ولي قال أنه حلم بها وفاق وبدا كيغني فيها على الكَيتار.
بنهاية البرايم الخامس بقاو 6 المشاركين لي غادين يتنافسو على اللقب باش يربحو 35 مليون سنتيم لي تقدر تعاونهم باش يديرو معرض ويبداو مسارهم الاحترافي.
https://www.instagram.com/p/CkZOHRXoVtI/
https://www.instagram.com/p/CkZMid1IvDp/
https://www.instagram.com/p/CkZHO9Xooc7/