وكيل أعمال مبينزا: البدراوي هو المسؤول على فشل انتقال اللعاب للرجاء

حمل عبد الله ناصر وكيل أعمال الكونغولي كي مبينزا اللعاب السابق ديال الوداد الرياضي فشل صفقة انتقالو للرجاء الرياضي إلى رئيس الأخير عزيز البدراوي.
وكشف عبد الله ناصر فحوار له على قناة "تيلي ماروك" أن عزيز البدراوي رئيس الرجاء هو اللي كان مسؤول على فشل صفقة مبينزا مع الرجاء حيث المفاوضات ديال اللعاب كانت جدية ولكن رئيس الرجاء موفاش بالشروط ديالو باش يسنيو الكونترا.
ووضوح ناصر على أنه بصفتو وكيل أعمال مبينزا سافر لبلجيكيا وخذا الموافقة من الفريق البلجيكي اللي كان منح خدمات مبينزا كإعارة للوداد الرياضي وقنع المسؤولين فالفريق البلجيكي باش يلعب فالرجاء وخذا الموافقة وملي رجع للمغرب ما بقاش البدراوي باغي يسني الكونترا، الأمر اللي جعل مبينزا يمشي يلعب فالسعودية.
وكيل أعمال مبينزا كذب داكشي اللي راجع على أن اللاعب السابق خذا فلوس من عزيز البدراوي وهرب للسعودية وأكد على أن الموكل ديالو عمرو خذا شي مبلغ مالي من عندى رئيس الرجاء، وشدد على أن البدراوي مازال جديد فمجال كرة القدم، وباقي ما فاهمش كيفاش داير والدليل هما النتدابات اللي دار واللي ماشي فقيمة الفرقة هما صالحينش لها.