ما كيناش الراحة.. اللعابا ديال الوداد غادي يرجعو يتدربو من بعد ماتش التواركة باش يبقاو واجدين

غادي يستافدو اللعابا ديال الوداد الرياضي من فترة قصيرة للراحة، قبل ما يرجعو يتدربو باش يبقاو جاهزين لعودة منافسات البطولة الإحترافية لكرة القدم اللي توقفت بسبب مشاركة المنتخب الوطني المغربي فكأس العالم.
وكشف مصدر مطلع أن الحسين عموتة مدرب الوداد الرياضي قرر يعطي اللعابا يومين فقط باش يرتاحو، من بعدما تعادلت الحمرا ضد فريق إتحاد التواركة البارح فالبطولة الإحترافية.
وغادي يرجعو اللعابا ديال الوداد الرياضي للتداريب فتيران بنجلون فانتظار يعرف الحسين عموتة شكون العناصر اللي غادي يمشيو من الفرقة مع المنتخب الوطني المغربي لمونديال قطر، ومن بعد منها يدخل الفريق فمعسكر إعدادي إستعدادا لاستئناف البطولة.