واش ما كيعياش؟.. الفرنسي مبابي راجع يتدرب مع PSG من بعد يومين فقط على نهاية المونديال

غادي يرجع النجم الفرنسي كيليان مبابي لتداريب فرقتو باريس سان جيرمان من بعد وقت قصير على نهاية كأس العالم قطر 2022، واللي وصل فيها مع منتخب فرنسا للفينال قبل ما يخسر بضربات الترجيح مع الأرجنتين.
وأعلن باريس سان جيرمان الفرنسي قبل لحظات من صباح اليوم الأربعاء، أن النجم ديالو كيليان مبايي غادي يرجع لتداريب الفريق اليوم، مع العلم أن مبابي رجع لفرنسا غير يوم الاثنين الماضي، من بعد شهر ديال الخدمة والمباريات فكأس العالم.
قرار كيليان مبابي بالعودة لتداريب باريس سان جيرمان كيأكد العقلية الاحترافية للعاب، والرغبة ديالو فتجاوز خسارة كأس العالم قطر 2022، بالرغم من أنه قدم للي عليه حيث سجل 3 الأهداف ورجع المنتخب الفرنسي فماتش الفينال من بعدما كان خاسر بنتيجة 2 لزيرو، قبل ما ينهزم بضربات الترجيح.