ربورتاج: واحة النيف لي كانت معيشة الناس لمئات السنين مهددة بالانقراض وسكانها كيهاجرو بسباب الجفاف

سكان واحة النيف، نواحي مراكش، كيقولو أنهم عمرهم شافو فحال هاد الجفاف، الأرض يابسة والبيار خاويين، وجنانات دالنخل اللي كيرجع تاريخها ل 100 عام بدات كتيبس.
هاد الواحات كيرجع تاريخها لقرون واللي كانت علامة تجارية للمغرب، وهاد المنطقة جات على بعد 170 ميلا جنوب شرق مراكش.
من السكان اللي صرحو لAP، حمو بن عدي، من المتضررين فمنطقة تنغير عندو الغنم والمعيز ولكن مالقاش فين يسرحهم والجفاف خلاه يعتمد على مساعدات الحكومة من العلف.
وقال أحد السكان موشي أحمد، أن الواحة كانت معيشة بزاف دالناس لمئات السنين، ودبا مهددة بالإنقراض حيث بدات النخل كتموت .
وقال محمد بوزاما، من سكان المنطقة، إنه فهاد 3 سنين التالية، الناس خرجات للمدن وبزاف ديال الشباب هاجرو لأوروبا بسبب الجفاف، وكيلوح اللومة على لي كيحفرو البيار بلا رخصة.
لكن بالنسبة لحسن بوعزة، كيقول خصنا نتعلمو كيفاش نتعايشو مع الوضع اللي حنا فيه ونفكرو فطرق باش نستافدو من الحرارة والجفاف، فحال استخدام أنظمة الري الجديدة والطاقة الشمسية، ويتدارو تدريبات تعاونا باش نبعدو على الري التقليدي ونتعلمو للري بالتنقيط اللي مكيستهلكش الماء بزاف.
https://l.facebook.com/l.php?u=https%3A%2F%2Fapnews.com%2Farticle%2Fmorocco-climate-and-environment-5d921c7b07c28a5e5fed470245f49fa0%3Ffbclid%3DIwAR3JChBGzZSWmQL–TywI8YBn0qjR7mj8W2NOvDGoPmUVzZ5ZVX-41RoYSI&h=AT1bgcWIL237Fms78AD4St-qbWYORcD-fCxDLd_0SewUAbB2TCX3CFZ-8kV6vdhPqAWTaxoceOs89QehBOM-TIdDQw-F7J5oqjriuFkLb5NCx3-zh-tpsuJriIELno77FhNd_Q