صراع قوي بين بايرن ميونيخ ومانشستر يونايتد على ياسين بونو والاتصالات معه بدات ولكن كاينين عقبات

كيتنافس كل من بايرن ميونيخ الألماني ومانشستر يونايتد الننكليزي على خدمات الدولي المغربي ياسين بونو حارس مرمى إشبيلية الإسباني، واللي تألق بشكل كبير مع المنتخب الوطني المغربي فكأس العالم قطر 2022، ولكن كاينين شي حاجات ممكن تحول دون انتقال لكول المغربي إلى أحد الفريقين.
وحسب موقع "فوت ميركاتو" فبايرن ميونخ الألماني داخل بدا كيتفاوض مع ياسين بونو من خلال شي مقربين منو، وباغي يسني معه باش يعوض غياب لكول ديالو الألماني مانويل نوير اللي غادي يغيب حتى نهاية الموسم بسبب الكسر اللي عندو.
وحسب نفس المصدر فبايرن ميونخ كيشوف أن ياسين بونو هو حارس المرمى المثالي اللي يقدر يعول عليه باش ينافس على المنافسات اللي باغي يتوج بها هذا الموسم والحديث هنا على بطولة ألمانيا ودوري أبطال أوروبا، ولكن كاينين 2 ديال العراقيل اللي ممكن يخليو الصفقة ما توقعش، الأول الشروط المالية ديال إشبيلية الإسباني باش يتنازل على خدمات ياسين بونو واللي طالب أكثر من 40 مليون يورو، والثاني كيخص بونو نفسو حيث لكول المغربي ما باغيش يكون رويضة سكور ويسالي الدور ديالو مع رجوع نوير لحارسة مرمى بايرن ميونيخ، حيث بونو من النوع اللي عندو طموح وكيقلب على تحسين مستواه ما غاديش يبغي يلعب هذا الدور فالفريق الألماني وهادشي اللي كيصعب الانتقال ديالو لبايرن ميونخ الألماني.
نفس الأمر بالنسبة لمانشستر يونايتد، صحيح، وحسب نفس المصدر أن الفريق الننكليزي باغي يتعاقد مع ياسين بونو وبدأ كيتواصل مع مقربين من اللاعب، ولكن فنفس الوقت عندو رغبة باش يجدد مع الكول الإسباني دي خييا، ولو أنه كيشوف بلي ياسين بونو وفحالة تعاقد معه غادي يكون هو الحارس الأول، ولكن لكول المغربي غادي يكون محتاج لضمانات على أنه غيكون الحارس الأساسي حيث ما يمكنش ومن بعد المستوى الكبير اللي ظهر به فالسنوات الأخيرة وخصوصا فكأس العالم قطر 2022، مع المنتخب الوطني المغربي غيرضا يلعب دور الحارس البديل بمانشيستر يونايتيد.