بسباب حملة مقاطعة عنصرية ففرنسا.. خباز مغربي غادي يسد الباتيسري ديالو

قالت مواقع إخبارية، أن خباز مغربي سميتو، محسن زوين، وكيبلغ من العمر 43 عام، غادي يسد الباتيسري ديالو بسباب حملة مقاطعة عنصرية بمنطقة سان مارسيلين فمقاطعة إيسر الفرنسية.
صدم الضحية من حملة مقاطعة وتهديدات ذات طابع عنصري، بحال "سير بحاك"، "ماعندك خدمة هنا"، "ما عندنا ما نديرو بالخبز ديالك"، "كيفاش عربي بحالك يقدر يخبز". هاذ الشي خلاه فغشت 2022، يبدا يتكلم على إغلاق المحل التجاري ديالو بسبب عدم قدرته على تحمل الإهانات.
وحسب تقارير إعلامية، كان محسن كيبيع تقريبا 200 كوميرا فالنهار، لكن بسباب حملة المقاطعة ضد المحل ديالو، وصل عدد المبيعات اليومية تقريبا 50 كوميرا وأحيانا أقل من ذلك. دابا تراكمات عليه الديون للي وصلات ل 15 ألف يورو وكيحاولو المهاجرين يعاونوه باش يخلصها ويقلب يبيع المحل ديالو..