تحرير الملك العمومي بالقصر الكبير او الحرْكة بدون سلطان …

تحرير الملك العمومي مكيكونش بترعاف خضار حيث قلك راه كينا بزاف دالقهاوي والمطاعم شادين شارع كامل ومكتهضروش معاهم وبداو من الناس الكبار…
تحرير الملك العمومي مكيكونش بحيد لهذا كرسي ولا طابلة وجرو لهيه وقلو غي سكت خلينا نساليو السربيس وديك الساعات طلع جيبو من الفوق را غيطيواهلك …
تحرير الملك العمومي مكيكونش عشوائي ومكيبداش من عند الدراوش اللي مجابريين ما ياكلوا … وحتى الى كان بهاذ الشاكلة كيكون كاين البديل متوفر …
تحرير الملك العمومي مكيكونش فربع ساعة
الحاصول الى كان الميسىاج هو اظهار هيبة المخزن وعظمته راه وصل ولكن وصل بالمقلوب راه كلشي كايقول هاذ ولاد القحاب كيحgرو غي على الدراوش وبمعنى اخر مشات الحرْكة ديالكم فالخاوي …
واخيرا وكتساؤل مع الناس اللي فاهمة بغيت نسول ونقول واش كاين شي علاقة باين هاذ الشي اللي واقع والوقفة اللي فاتت بالاسواق النموذجية اللي قسمتوها بيناتكم
#ملحوظة:
الحرْكة من بين الطقوس التي كان السلاطين العلويين يمارسونها عبر مواكب مهيبة لاستعرض القوة العسكرية والتعبير عن عظمة الدولة/ السلطان،
وهي ممارسة تحمل أبعاد دينية و سياسية في ان واحد كان الهذف منها زرع الرعب وسط الرعية و المناوئين للسلطة السياسية
ويمكن تشبيهها اليوم بالموكب الملكي …
بدلو الكيدر بالسيارة والسيف بالمسدس والسلاسل بالمينوط