الأراضي العارية وتعرية المواطن

من باب النجاعة الإدارية، كان على خانا رئيس المصلحة إياها بالبلدية باش يكون الأمر بالتحصيل قبل يناير 2016 على الأكثر، وكانت له كل الإمكانية باش على الأقل يستفدوا الناس لي مظلومين من ذيك القرار الجائر ونا واحد منوم من الإعفاء من الغرامات وصوائر التأخير لي دارتو الدولة مؤخرا،
اللهم إيلا كان شي واحد مبين فينا الخدمة وعدد من المواطنين ولأسباب نجهلها ؟
غنسول خانا فقط، رئيس المصلحة، واش عندك إحصاء دقيق لجميع الأراضي العارية في القصر الكبير ؟
واش حليتي جميع نقط الجدل مع التجار والمهنيين المرتبطة ببنية المداخيل وضبط الجبايات وبقينالك غير حنا اصحاب 97 متر لتحت ؟
ماهو السر في انفلات أغلب الأراضي العارية في القصر من مقصلة مصلحتكم مع العلم نعرفها ويعرفها الناس وحدة وحدة ؟
غير في التجزئة المعلومة لي ساكن فيها مثلا كاين 16 لي حسبت غير في الليل لن أذكر أسماءها احتراما للجورة،
ثم واش المنظومة المعلوماتية للمصلحة كلها صحيحة ولا تتضمن عيوبا واختلالات ؟ ربي ربي …
ما غاديش نمشي معاك بعيد و نهضر لك دابا على المنعشين العقاريين وأشخاص معنويين وذاتيين بعينهم ومشكل الإسثناأت تحت غطاء لعيبة ديال " أراضي ذات صبغة فلاحية " و "مهنية" و …… ولي تقارير ديال هيئات التفتيش عامرة بها ، هنا ولهيه ؟
من قلبنا نتمنى أن لا يتكرر عندنا ما وقع في الهراويين ومراكش منذ سنوات لما جر مسئولو الجبايات المحلية والخازن أمام القضاء، بسبب رسم الأراضي غير المبنية،
نتمنى أن يحضر جانب العقل لدى أصدقائنا المنتخبين، إيلا باغين يديرو شي خير في المدينة، وعلى رأسهم السيد الرئيس لرفع الحيف عن مجموعة من المواطنين ذنبهم أنهم بنوا قبر الحياة في مدينتهم، وأنهوا البناء سنة 2009 وتقدموا بطلب صلاحية السكن في نفس السنة، فتلكأ المجلس ولم يسلمها لهم إلا سنوات من بعد، سنة 2015 مثل حالتي، ودون تبرير أو رفض صريح على الأقل؟
فاين هي 60 يوم لي هضر عليها مرسوم الوزير الأول ؟
باش يجي خانا يضربنا حتى نقزو ظلما وعدوانا،
أتمنى من رجال المجلس الجماعي وسيداته تفعيل النصوص المتعلقة بمقترحات الإلغاء رحمة بساكنة المدينة ضحايا أخطاء واختلالات مصلحة الوعاء داخل البلدية على الأقل من الأن فصاعدا،
أما حنا فقد أكلنا … يوم أكل الثور الأبيض،
ولنا عودة أكثر تفصيلا، وبالوثائق،
فمن يعطينا جوج فرنك نبيعو هذ الخرب ونقودو بحالنا من هذه المدينة الظالم أهلها..