قصيدة زجلية ساخرة سبيطار الحومة‏

الزجال محمد لبزيز
سبيطار الحومة !!!
عيب وعار وحشومة
تﯖولو هدا سبيطار الحومة
الناس تعكعك الناس مظلومة
نحكي ليكم قصة مراتي فطومة
!************
واحد الليلة بليلة الاحد
دخلت مراتي توجع بغات تولد
في نص الليل جيت ملقايت حد
لقاتني غير أنا تشد في وتعض
الساعة فيها الجوج ونص
ومراتي مسكينة ﯖالسة على الدص
من كثرة الألم كتغني وترقص
واش هدا سيبطار ولا حبس؟؟؟
*******
دارو بينا غير المشاش
كل واحد تبارك الله ﯖداش
سولتهم مال الطبيب مالو مجاش؟
راه في عطلة هاهو مقيد في الكناش !
********
مراتي بالغوات كتعزف السمفونية
ﯖالت لي ياك ا المسخوط كتشوف في
ديني عند القابلة مي هنية
اللهم هي ولا نموت حسن لي