شباط اللي عندو شي ريال في الخارج يجيبو لهاد الشعب ولا نجيبوه بالقوة

دعا حميد شباط الأمين العام لحزب الإستقلال من لهم أموالا خارج البلاد إلى إرجاعها وبسطها أمام المواطنين للإستفادة منها على شكل استثمارات، مُعتبرا أن أول مداخل الإصلاح الإقتصادي هو تنمية المداخيل عبر “عدالة جبائية حقيقية” تحد من التهرب الحقيقي، وأن الحكومة إن أرادت مُحاربة الفساد فبُؤره معروفة لدى الجميع.
مقاصة..
وقال شباط، خلال مداخلته أمس بمدرسة الحكامة والاقتصاد، خلال اللقاء التواصلي الذي ضمه إلى جانب ادريس لشكر، الكاتب الأول للإتحاد الإشتراكي، “إن نمينا مداخيلنا هاد صندوق المقاصة ما غاديش يبقى متأثر، ولما تنقولو تنمية المداخيل نقول عدالة جبائية حقيقية، شكون كيخلص الضريبة اليوم؟ موظف كتقطع ليه من الخلصة، ومسكين شي مول البيسري، كاين تهرب ضريبي حقيقي، ولا كنا حكومة جينا نحاربو الفساد كاين فين نحاربوه، وموجودة بؤر الفساد ومعروفة لدى الجميع، اللي عندو شي بركة ديال الفلوس برا يجيبها تدخل لهاد البلاد ويديرو علينا بحث كاملين هاد المسؤولين اللي في هاد البلاد واللي عندو شي ريال جيبوه لهاد الشعب حسن ما نجيبوه بالقوة وحنا غاديين في إصلاحات سياسية بسلاسة”.
رصيد..
وشدد خليفة الفاسي على رأس الإستقلال على أنه “ما يمكنش الازمة يأديها المواطن المغربي أبدا، اليوم الحمد لله بلادنا غنية بالكفائات والأطر والرصيد ديالنا وقيمتنا كمغاربة هو الإنسان المغربي ما عندنا بيترول ما عندنا منجم ما عندنا ذهب ما عندنا فضة لكن عندنا أكثر من ذلك هو الإنسان، اليابان ما عندهاش هاد الشي وهي من أقوى الدول الحمد لله”، مُضيفا أنه “الحمد لله ما عندناش شي كيقتل في شي وهدا علاش قلت كاين اللي فيها الربيع وكاين الخريف وكاين الشتاء، لأن ما يحدث في سوريا قتل 100 تال 200 في اليوم ماشي ربيع عربي وما يحدث في ليبيا وتبعتو البارح في التلفزيون كيفاش الإنسان بلحيتو كيعلق بنادم في الشجرة وكيبقى يعطيه مائة جلدة وألف جلدة تا كيموت، وما يقع اليوم في تونس خير دليل، ولهذا كنقولوا هاد الربيع السياسي اللي عندنا خاصنا ما نرجعوهش خريف سياسي وتولي إراقة الدماء والناس تنزل للشارع.”.
شعبوية..
ومن جهة أخرى انتقد شباط من يتهمونه باستعمال خطاب “شعبوي” لأن هذا الأخير هو خطاب الواقع القريب من الشعب حسب شباط الذي قال “حنا ما كندويوش من عبث، أو كيفما دوا الإنسان بالحق نقولو الشعبوية ومالي اخويا ياك الشعبوية جاية من الشعب غير نشرحوها إيجابي حنا ولاد الشعب وغنبقاو مع الشعب، قولو الشعبوية قولو هاد الناس غير كيدويو لكن الواقعية وأحسن مدرسة اللي كتنتج في الدنيا هي المدرسة الواقعية”.