علاش الحزب تاه . كأنو ما كان ( خواطر زجلية حول وضعية الاتحاد الاشتراكي )

قتلني الشوق لذاك الزمان كان النضال نقي وأصبح بهتان
فقت نفسي , وراني حيران واش هذا نضال , ولا بهتان
النخاسة في البيت والساحة ما بقى غير اللقى * فسوق الهوان
هذا يتملق وهذا يتآمر وهذا باللجا يرد المكسي عريان
النضال الصافي ولا اسود والوفا صار معتقلو سجان
واش النضال كله , قصة قصيرة . علاش الحزب تاه . كأنو ما كان
واش هذا تأصيل الحداثة , ولا هذا التكواد لدفين الكيان
قال ليك نسيروا تسيير جماعة نقولوا . إيه لو ما خرب الديوان
اللي عقدها بيديه , يفكها بسنيه الشرفاء قرروا , ليه الهجران
فين باغي يدينا . وبوضعو ما رضينا , ما حنا اللي نقبلوا بالطغيان
حتى اللي أيد الحالة في غفلة . صار نادم . وناوي على العصيان
فقدت عقلي وراني دهشان واش هذا الاتحاد ولا الطوفان
محمد التهامي بنيس