الكرة، الإسلامو فوبيا والعنصرية فى ألمانيا

لمّا قرّر "مسعود أوزيل" ما يبقاش يلعب فى الفريق الوطني الألماني أو تهم جامعة ألمانيا ديال الكرة، بالأخص رئيسها "كْرينْدال"، بأنه كان كايتعامل معاه بعنصرية أو عجرفة مفرطة، قام تركي اللي سمييتو "علي تْسان" بخلق موقع على "تويتر" باش كولّ واحد عانى من العنصرية، التهميش أو الإقصاء إعبّر على تجريبتو الشخصية، كثر من 50000 واحد من الألمان الجداد وثّقوا بطريقة متحضرة اللي طرى ليهم فى ألمانيا، لا من إهانة، خيبة الأمل، التنكيل أو مس من كرامة الإنسان.

كاينين بعض الصحفيين الألمان اللي ما بغاوش يتقبّلوا هاد الحقيقة، بالأخص اللي سمّم ليهم ذاتهم الحليب الكْحل ديال الحقد أو الكراهية على المسلمين، الإسلام أو كايتقاضاوْا أجُر من بزّولة، "جّورنانات" اليمين أو اليمين المتطرف، بحال "بيلْت" ولا ّ "فالْت"، حتى ردّوا الظالم مظلوم أو المظلوم ظالم، حتى زعموا أن هادوا اللي بداوْا بريّهوم أو تكلّموا على العنصرية فى ألمانيا ما إكونوا غير نكّارين الخير، صابتهوم البارانويا أو نوبة رثاء الذات.

شنو هو ذنب "مسعود أوزيل"؟ مسلم! ما عمّر شي ألماني غادي إصارحك، الأغلبية الساحقة كاتخبّع مورى ديك التّصويرة اللي دار "أوزيل" مع "أردوغان"، لأن جل الألمان كايعتابروه ديكتاتوري، دخّل كثر من 150 صحفى ألّحبس، سرّح كثر من 010000 موظف، رفع كثر من 0200 دعوة ضد مواطنين أتراك إلخ، ولاكن فلوسو ولا ّ فلوس تركيا "حلال"، لأن ألمانيا كاتبيع ليه ليومنا هادا السلاح أو المعدات الحربية.

، اليوما خداوْا المهاجرينشحال هادي كان التهميش، الإقصاء أو العنصرية كايعرفوها غير ق بين هادا أو لاخور، ماقالش أن جميع ، أوزيل عرف كيفاش إفرّالمسلمينبلاصتهوم الألمان عنصريين، لا! ولاكن البعض منّهوم، أو هاد العنصريين الألمان ما كايمثّلوا غير العصر القديم، أمّا الجديد من طينة خْرى.

على حساب هاد العنصريين جميع المسلمين عندهوم أعراف، تقاليد كاتّمارس مورى الكرة الأرضية أو التاريخ، كايحسّوا بالحيرة، الدّوخة أو حريق الرّاس فى الحداثة، كايتوفّروا على ثقافة، حضارة بلا حتى شي قيمة، شنو اللي بقى ليهم كولّهم؟ غير السخط على الوضع عن طريق تويتر، أو السخط بنفسو نوع من القمع أو الإضطهاد، اللي مزيان فى هاد الحملة المباركة هي أن الألمان الجداد بداوْا كايستعملوا لسانهم، قلمهوم، بحال حالات الإغتصاب أو التحرّش فى المغرب، غير كانبداوْا نتكلّموا على شي مشكل، هادا مفتاح الفرج، هاكدا كانطوّقوه، نحصّنوا نفوسنا، أمّا إيلا بقينا ساكتين عليه، ما غاديش أطييّر عليه شمس الحقيقة غبار الامبالة أو الإهمال.

فى أوّل الأمر هاد العنصريين الألمان ما تايقينش فى راسهم، ما عارفنيش أصلا شكون هوما، اللي متمكّن، محصّن شخصيتو بالمعرفة، العقل ما عندو مشكل لا مع الذات لا مع لاخور، لأنه عارف شنو كايسوى، عارف قيمتو، أمّا اللي شخصيتو هشّة، كايخاف من ظلّو، أو كول ّ واحد جديد شافو فى حومتو إلا ّ أو ركب ليه الرّعب، الخوف، التوجس أو الوسواس على قلبو، حتى دار فيه ما بغى، ضار على ليمن، مشى معاه، قال ليه ها القبلة على حساب هواه: "هي اللي ما تّعاودش".


بصفة عامة يمكن لينا نقولوا أن لا الألمان، لا الفرانساويين، ولا البلجيكين إلخ كايسمحوا ألاجانب إحصلوا على الجنسية بعد واحد الفترة معينة، ولاكن بشرط، يندامجوا بلا صداع ولا حريق الراس، بطريقة سلسة، هاكدا كاتبرّر جميع هاد الدول المراقبة اللي يمكن ليها تجاوز هاد الحدّ أو تنتهي فى ترحيل ولاّ سحب الجنسية من هادا ولا ّ هادي، يعني "مجنّس مع وقف التنقيذ"، لأن الجينات ماشي أوربية أو من المحتمل ترجع "حليمة ألْعادتها لقديمة"، الفرق اللي كاين بين هاد الدول أن ألمانيا باقي كاتعتبر راسها، تركّز على هاد الوصفة: "دولة حضارة، ثقافة ألمانية"، أو هاد الخاصية هي اللي غادي ديما تدفع الألمان يرميوْا "أوزيل" فى "التّوش"، أو إماركي حتى 70 ولا ّ 100هدف، غادي ديما إكون "التركي" إيلا خسرات ألمانيا، أو الأماني إيلا ربحات، يعني أولاد البلاد ديما مع الرّابحة.