سَرْ مُولاَةْ الْخَالَه

( يْبَانْ فْالشَّعَالَه )

1
الْخَالََهْ فَ الْحَنْكْ وَرْدَهْ، وَالْعَيْن ف الََوْجَهْ مْخَدَّهْ
تْوَسَّدْ وُنَامْ.. فْْ جَنَّة ْ لَحْلاَمْ
والْحُجْبَانْ(؟)
عنْْوَانْ لاَمَانْ لْقَلْبِي.. بَانْ.
رَفْرَفْ لَحْمَامْ فْ قَلْبِي .. وَتْغَدَّا،
تْغَدَّا عَشْقْ وُاغْرَامْ
ُتْعَدَّا نَصْبَة ْ لَخْيَامْ،
تْوَسَّدْ وُنَامْ، بَسْمَة ْ اغْمَامْ الْبَلْدَه.
وَتْجَارَا لِيَّامْ.. لاَبُدَّ
فَعْيُونْ لَفْجَرْ، فْ طُولْ لَبْصَرْ
مَ قَدِّيتْ عْلَى صْبَرْ.
2
الْخَالََهْ فَ الْحَنْكْ وَرْدَهْ، وَالْعَيْن ف الََوْجَهْ مْخَدَّهْ
وُالْحُلْمْ (؟).. وُالْفُمْ (؟) بُوسَه ْ
وُاحْبٍيبْتٍي لَعْرُوسَهْ.
تَرْقُصْ الْوَرْدَهْ فَ الْخَدْ،
وتْجُولْ..
وتْقُول ْ
تخْبَرْ، تْبَشَّرْ وتَعْرَضْ
يعلا لعلام
يكبر لمقام..
والحساد يموتو بالضد.
3
الْخَالََهْ فَ الْحَنْكْ وَرْدَهْ، وَالْعَيْن ف الََوْجَهْ مْخَدَّهْ
والنّْيوف (؟) كون تشوف
يالسَّاقي من بِير لمحبة
احبيبتي شمس وكمرا
فحبها أنا بامحايني نبرا
فكل شجرة.. هي ثمرة
فكل صوت.. هي زغاريت، هي نبرة...
هي زينة لحشام، هي رافضة للثام
هي بدية لكلام، هي خُضرا وطعام
ولذة...
4
الْخَالََهْ فَ الْحَنْكْ وَرْدَهْ، وَالْعَيْن ف الََوْجَهْ مْخَدَّهْ
والشّْعَرْ(؟) سَالَفْ
يا التَّالف
ربيع تشوفو غدا..
والنهود(؟) حراس لحدود
قُرْطَاسْ
يْبَانُو زرود،
وتبان السُُّربة، ويبان البارود
طَرْدَك^ْ يارفيق فالك^ُود..
5
الْخَالََهْ فَ الْحَنْكْ وَرْدَهْ، وَالْعَيْن ف الََوْجَهْ مْخَدَّهْ
ولعْنَيَّك^ْ(؟) دْمَيَّمْ حْمَرْ
جمر، يشعل يْضَوّي حُرْ
يحرق لعدا..............
يطول الليل واللاَّيَقْصَر، احبيبتي فْحَالي .. تَنْظُرْ!...