نسا الهمّ ينساك 24 غشت 2011

إعداد محمد بوداري
في رمضان هذا واحد الراجل بغا يخرج الفلوس من البنك، حط الموطور حدا البنكة ...ملّي خرج لقى الموطور طيروه ليه لعديان.. مابان ليه مايدير خشا يدّو فجيبو لقا غير الكارو، أهو يشعلو أو بدا يكمي ...تجمعوا عليه الناس او بداو تيقولو: أويلي كايكمي الكارو ف رمضان.... قال ليهم: الكارو شفتوه او لموطور ما شفتوهش؟ شكون اللّي دّاه أولاد الحرام
---------------------------------------
هذا واحد الراجل كان غادي فالطريق أهو يضرب واحد القرعة ماشافهاش أو جرحاتو في صبعو.. مشا كيجري عند الطبيب قال ليه: شوف كيف دير تحبس هاد الدم ...مشا الطبيب جاب ليه التقطيرة ديال العينين بغا يديرها ليه فعينو....قال ليه: انا مضروب فصبعي ماشي فعيني/ قال ليه الطبيب: كون كنتي كاتشوف كاع ما تضرب القرعة...
----------------------------------------
قالك هدا واحد الراجل كان جالس مع اصحابوا وكيعاود ليهم قالهم: انا كنت كنحكي لزوجتي قصة المغامرون الثلاثة وهي تولد ليا ثلاثة ديال التوائم.... وهو ينوض واحد صاحبوا كيجري من حداهم، قالوا ليه: مالك كتجري؟ قال ليهم: ويلي ويلي خلّيت مراتي كتقرى ف قصة علي بابا والاربعين حرامي... هههههههههه
--------------------------------------
هادا واحد عندو الدجاج و كيوكلهم القمح و الشعير و واحد المرة جاو عندو البوليس و قالو ليه: اش كتوكل لدجاج ديالك قال ليهم: القمح... قالو ليه: مزيان الناس كيموتو بالجوع و انت كتوكل... سلخوه و جاو عندو مرة اخرى و قالو ليه نفس السؤال قال ليهم الزّبل و الوسخ--حاشاكم-- و قالو ليه: بغيتي تمرض الناس... سلخوه تاني مزيان. المرة الثالثة قالو نفس السؤال، قال ليهم: كنعطيهم الفلوس يشريو بوحدهم... هههه
----------------------------------------
هذا واحد مول الطاكسي مبوق مزيان غادي فالمدينة او هي تشيّر عليه واحد المرا ...أو هو يوقف، طلّ عليها من الشّرجم، أو قال ليها: فين غاديا أ لالة؟ قالت ليه: السوق اَسيدي..أو هو يقول ليها: سيري أوُ متعطليش...