الشرعي: المنتخب الأولمبي واجد لكاس افريقيا وها مفتاح البطولة ومنتخب غينيا قوي

اكد الناخب الوطني عصام الشرعي مدرب المنتخب الوطني المغربي الاولمبي، بلي الاخير واجو لكاس افريقيا لاقل من 23 عام، وان ليكيب ناسيونال غتلعب ماتش لماتش، واولها مباراة افتتاح البطولة ضد غينيا.
وتحدث الناخب الوطني عصام الشرعي فالندوة الصحافية قبل ماتش المغرب وغينيا وقال: "متأكد بلي واجدين وبريبارينا اللاعبين بطريقة مزيانة وكاينة أجواء زوينة وسط لكروب وراهم واجدين باش يبداو البطولة، بعد الاستعدادات اللي كانت فظروف مزيانة ومشكورة الجامعة الملكية المغربية اللي وفرتها ونتمنى نفرحوكم غدا".
وكمل عصام الشرعي وقال: "مفتاح البطولة كأس افريقيا بالنسبة لنا هو الاستعداد المزيان والماتش الاول ضد غينيا مهم بزاف بالنسبة لنا، وحنا وحدنا مزيان تاكتيكمون وفيزيكمون ، وغنلعبو ماتش بار ماتش".
وبخصوص منتخب غينيا خصم المنتخب المغربي فاول ماتش قال الشرعي: "منتخب غينيا مزيان عندو لاعبين محترفين باوروبا وقصاو منتخب نيجيريا، والغنيين عندهم عناصر بامكانيات مزيانة وراهم تري بونيكيب، وحنا عارفين شنو غنديرو ضدهم باش نربحو هذا الماتش".