أول مرة يبان معهم ملي تفارق مع ماماهم.. أشرف حكيمي محيح مع ولادو فالعطلة

كيدوز النجم المغربي أشرف حكيمي لاعب باريس سان جيرمان الفرنسي، العطلة مع ولادو بعد أشهر على الفريق ديالو مع مراتو هبة أبوك.
ونشر النجم المغربي أشرف حكيمي على أنستغرام صور وهو كيدوز الوقت فالعطلة ديالو، ومن بينها صور مع ولادو بجوج، وهادي أول مرة تقريبا كيبان فيها حكيمي مع ولادو ملي تفارق مع هبة أبوك، وعلق الدولي المغربي على الصور بعبارة "كنتشارجا".
الظهور ديال أشرف حكيمي مع ولادو بجوج، مخلف مجموعة من ردود الأفعال، وحتى من رابطة الدوري الفرنسي بارطجات صورة ديالو مع ولدو الكبير على فيسبوك وقالت: "حكيمي كيتمتع بالعطلة مع ولدو".
وكان أشرف حكيمي تفارق مع الممثلة الإسبانية من أصل تونسي هبة أبوك فالأول من هذا العام، وهذا الشي فالوقت اللي كان كيدوز منو النجم المغربي من وقت صعيب بسبب الإصابة وكذلك الاتهام ديالو من طرف السلطات الفرنسية بالاعتداء الجنسي على فتاة فرنسية.