قطر ومدير "جزيرتها" هاجمو المغرب وجابو سفير الجزائر باش يضربنا على علاقتنا مع اسرائيل ونسى باللي ديك الدويلة مطبعة هادي سنوات

علاش المغرب ما يقطعش مع قطر. الرباح غادي يكون كثر من لخسارة ايلى قطع علاقاتو مع هاد الدويلة الخليجية. ديما كتضرب من التحت المغرب. اخر هاد التشيطين ديالها كان لقاء دارو قبل ايام ياسر ابو هلالة الفلسطيني الاردني اللي عطاتو الدوحة يسير "الجزيرة" حول التطبيع وكيفية وقفه فالمنطقة.
طبعا باش يضرب المغرب هاد الاخواني ناض جاب سفير الجزائر وهاجمو الرباط بتمويل قطري.
ابو هلالة اتهم المغرب بالفجور بالتطبيع فتدوينة منشورة مع هاد المقال. هاد التافه يتهم الرباط بالفجور بالتطبيع. هادي تعطي تفسير علاش جرا على الصحافي عبد الصمد ناصر بسباب تدوينة.
هو داير تدوينة كيقول باللي تم تعيين شارون ايتاخ ملحق عسكري فسفارة اسرائيل في الرباط واضاف "كان من الممكن ان يظل التعيين سريا دون جرح مشاعر الفلسطينيين والعرب" وختم "لكنه الفجور بالتطبيع"
دابا قطر اللي عندها علاقة قوية مع تل ابيب ما يقدر حد يقرب ليها ولكن تخلص انشطة وتجيب سفير الجزائر باش يسب الرباط.
ياك سيدنا قال باللي خاص الوضوح فالتعامل مع لبلاد. اما معانا او ضدنا. علاش ما يطبقش على قطر.