مدرب اللبوءات: اللاعبات الفرنسيات وعرات بحال الألمانيات.. كنعرفهم مزيان وها كيفاش غنوجدو لهم

أكد الناخب الوطني رينالد بيدروس أنه كيعرف ميزان لاعبات المنتخب الفرنسي خصم المنتخب المغربي غدا الثلاثاء فثمن نهائي كأس العالم للسيدات 2023، وأنهم لاعبات واعرات ولكن غيتعاملو معهم هو واللاعبات المغربيات كيفما تعملو مع المنتخبات اللي لعبو معها فالدور الأول.
وتحدث رينالد بيدروس قبل ماتش المغرب وفرنسا على قوة الدجاجات الفرنسيات، وقال: "اللاعبات الفرنسيات كيلعبو مع فرق أوروبية كبيرة بحالهم بحال الألمانيات، وكنعرفهم مزيان، حيث أغلبهم كانو كيلعبو عندي فأولمبيك ليون فالبطولة الفرنسية".
وبخصوص الإعداد ديالو مع اللاعبات المغربيات لمواجهة فرنسا، قال بيدروس: "غنوجدو لهم كيفما وجدنا لباقي المنتخبات اللي لعبنا معها لا أقل ولا أكثر، بحال كيفما درنا مع ألمانيا وكوريا والجنوبية وكولومبيا ونحدد نقاط القوة والضعف ديالهم".
الناخب الوطني رينالد بيدروس عبر كذلك على السعادة ديالو حيث عيتلقا مع اللاعبات الفرنسيات اللي سبق له دربهم وقال: "انا فرحان حيث غنشوف اللاعبات السابقات ديالي، ولكن المنافسة راه هي المنافسة".