الركراكي: ماتش تنزانيا صعيب وعارفين شنو تابعنا.. ممكن تكون غيابات ولكن أي لاعب دخلناه غيتقاتل باش نرجعو بالرباح

أكد الناخب الوطني وليد الركراكي أن تنزانيا استقبلو المنتخب الوطني المغربي مزيان، وأن الماتش ديال الجولة الثانية من إقصائيات مونديال 2026، غيكون صعيب ضد المنتخب التنزاني ولكن هو واللاعبين عارفين شنو تابعهم.
وتحدث وليد الركراكي، خلال الندوة الصحافية اللي كتسبق ماتش المغرب وتنزانيا، وقال: "استقبلونا فتنزانيا مزيان وفرحانين حيث حنا هنا، بالنسبة للماتش غيكون صعيب ولكن كنوجدو مزيان، وباغيين نديرو نتيحة مزيانة مع بداية الإقصائيات حنا واعيين بالمسؤولية اللي علينا وحنا واجدين".
وليد الركراكي كشف أنه ممكن تكون تغييرات فالتشكيلة الرسمية ديال المنتخب الوطني المغربي ضد تنزانيا بسبب الإصابات، واخا براو شي لاعبين، وأكد بلي مازال ما قررش شكون غيلعب ولكن أي لاعب غيدخل غيدير اللي عليه باش يرجعو بنتيجة مزيانة.