دنيا بطمة، مازال زايدا فيه، حتى من بعد ما صدر عليها حكم نهائي منمحكمة النقض كيقول بلي الحكم الاستئنافي اللي حكم عليها بعام ونصف ديال الحبس، صحيح، وأيداتو بجميع الفقرات ديالو، خرجات كتبارطاجي سطوري وهاد السطوريات بالمناسبة هما اللي خرجو عليها، حقاش ماشي تتقدم فيهم الغناء والطرب ولا شي حاجة زوينة، اللا تتنشر فيه غير لمعاطية ديالها مع طليقها ولا لمعاطية مع المتتبعين والخصوما ولى الهلوسات اللي تتجيها مرة مرة كتخليها تعتاقد باللي واعرة. المهم هاد السطوري اللي بارطاجاتو وماشي بعيد هي مولات الفكرة٬ كيتوجه مباشرة لرئيس الدولة. وطلبها: العفو. واييه. العفو. فيه كيقولو صحابها اللي مباطاجيا ليهم السطوري: "أسيدنا عفو على هاد المواطنة ديالك. والوقاحة هو أنهم موقعين هاد السطوري باسم الشعب، شكون عطاكم هاد الحق. البرلماني لي هو منتخب ماعندوش الحق يهضر باسم الشعب، واحد فهاد البلاد اللي ممكن يتكلم باسم الشعب وينوب على الشعب، هو رئيس الدولة. العفو هي من أنبل الاختصاصات الموكولة للملك، واللي تيديرها في المناسبات وخارج المناسبات، باش كيفرح أبناء الشعب اللي بينو بلي يستاهلو يتعفى عليهم، وتحسنات السلوكات ديالهم. هي مسطرة عندها قنوات خاصة، ماشي التيكتوك ولا فيسبوك ولا أنستغرام، حيث الملك مؤسسة خاص اللي بغا يطلب العفو، يخضع للشروط، ويكتب الطلب ووجهو عبر القنوات المعروفة ووفق الأدبيات اللي كيحظى بها الملك، ماشي غير جيب يافم وقول. دابا دنيا تتقلب على الجيمات في تيكتوك واستخدمات فيها الحكم ضدها واسم الملك، وهادشي بسالا مامقبولاش من وحدة عطاها المغرب كلشي، وكبر بيها، ومازال زيادا فيه. حشومة بحال هادي يكون عندها جوج اوسمة. خاصهم يتسحبو منها باش تحكم عليها ويتحسبو منها على هاد الوقاحة ديال طلب العفو
