السلام عليكم, حبيت نعطيكم مجموعة من النصائح باش تحافظو على الحياة الزوجية حيت الزوج رغم حبه الشديد لزوجته فهو قادر على التخلي عنها الى صدرت منها بعض التصرفات اللي كيكرهها الرجل. *الغيرة مزيان المراة تغير على راجلها ولكن ماشي ديك الغيرة الزايدة حيت كتولي بحال الى كتخنقيه *الوقوف الى جانبه ديما كوني مع زوجك فالشادة و الفادة و الى كان غادي ياخد شي قرار مصيري شجعيه و دعميه باش متبانيش ليه كاتبغي غي راسك *الرزانة اي رجل كيفرح ملي كيعرف بلي تزوج بوحدة دكية و رزينة و عارفة اش كادير *التقرب من اهله حاولي مااااا امكن تكوني قريبة من العائلة ديالو حيت الراجل كيحماق على المراة تكون عزيزة على الاسرة ديالو *اظهار الانوثة ديما حاولي تبيني ليه الانوثة ديالك سواء باللبس ولا الهدرة ولا التصرفات *شخصيتك حاولي تكون شخصيتك قوية شوية ماشي ديمااا “اه هي لولا” “علاش لا” “على راسي و عينيا” “الله ياودي ما يكون غي خاطرك” هههه ضروري من الهدرة الحلوة و لكن بعض المرات حاولي تكوني قاسحة شووية *ديما شكريه قدام عائلتك سواء كان ولا مكانش *ديما اكدي ليه بلي ماتقدريش تعيشي بلا بيه *وبالنسبة للمراة اللي كتخدم حاولي ما امكن تبيني ليه بلي الخدمة ماكاتلهيكش عليه بقاي تهتمي بيه و ملي تكوني وسط الخدمة مافيها باس شي مكالمة بسيطة *الهدايا مرة مرة جيبي ليه شي كادو وخا ماتكون حتى مناسبة الرجال كاتعجبهوم هاد القضية *الرومنسية المراة خاصها ديما تكون رومنسية مع راجلها فهي سر الانوثة ديالك *حاولي ان تجعلي له “عادة” مثل ان يقبلك قبل مايمشي الخدمة ولا مباشرة ملي يفيق و الى شي نهار نسا ديري راسك تقلقتي هههه *عيد الزواج عيد الزواج بالنسبة ليا هو عيد الميلاد2 كنوصيكم يكون هاد النهار اهم نهار ف حياتك حيت هو النهار اللي شركتي حياتك مع الشخص اللي كاتبغيه *الاناقة ما بغيت تا وحدة تقول انا مازويناش ولا انا غليظة ولا انا رقيقة راه اي وحدة ااااي وحدة الى هتمات براسها كاتبان فراااشة “تفاهمنا” حاولي تكوني ديما نظيفة وديما ريحتك غزالة ااه بالنسبة للريحة ماتبقاش الريحة اللي بانت ليك تشريها لالالا ريحة وحدة تكون ديالك ديما يشمها فيك راجلك *الثقة فالنفس ديما حاولي تبيني ليه بلي تزوج ب اميرة و ديما كوني تايقة ف القرارات ديالك و تايقة ف التصرفات ديالك *ملي يكون كيهدر معاك بقاي تسمعي ليه مزيان *الى دابزتو ولا تناقشتو ما يمشيش كل واحد ينعس ف قنت لالا نعسو حدا بعضياتكم *ديما بيني ليه بلي كاتوحشيه و النهار كيدوز طويل ملي كيكون فالخدمة *ل week-end من الليل تافقي معاه واش تخليه ينعس يرتاح ولا ديرو شي خريجة ماشي تال الصباح عاد تفيقيه تقولي ليه نخرجو ههه لالا *مرة مرة نظمي شي عشاء رومانسي فاجئيه بيه ااه نوصيك كيفما كانت الفورمة ديالك ضروري تكون عندك غوب سواغي و تكون قصيرة و مثيرة بقاي تلبسيها فالمناسبات اللي تكوني فيهم نتي و راجلك و بالنسبة للسيدات اللي عندهم الدراري عافاكم الى وقع شي شجار مع الازواج ديالكم تناقشو ف بيت النعاس بهدوء باش مايسمعوكمش الدراري *الى رجع من الخدمة ماتبقايش تجمعي ليه ديكشي اللي دارو الدراري “هدر مع محمد راه ضرب ابراهيم” “هدر مع فطومة ضربات خدوج” “هدر مع هاجوج هرس البولة” ههههه لالالالا بالعكس خاصك تنقصي عليه من الهموم ****وباش يسهل عليك الله تهلاي ف الدين ديالك و صلاتك ديما فالوقت الله يسعدكم و الله يبارك ليكم فزواجكم و دعيو معايا
