بعدما ترفض ليها العفو الملكي اللي طلبات فلايڤ.. البوليس شد دنيا باطمة على قبل العقوبة الحبسية اللي صدرات فحقها فقضية "حمزة مون بيبي"

الشرطة القضائية بولاية امن كازا معها الشرطة القضائية ديال مراكش قرقبات هذا الزوال على الفنانة دنيا بطمة، بأحد أحياء المدينة، على خلفية تورطها في ملف "حمزة مون بيبي". من بعد غادي تم نقلها الى مدينة مراكش باش انجزو ليها البوليس محضر بخصوص تنفيذ العقوبة الحبسية النافذة الصادرة في حقها .
هذا الشدة لي شدات فيها دنيا بطما ،جات باش يتنفذ في حقها القرار الاستئنافي بعدما رفضت غرفة الجنايات بمحكمة النقض بالرباط طلب النقض الذي تقدمت به دنيا بطمة ضد حكم سجنها سنة نافذة بعدما رفعات غرفة الجنح بمحكمة الاستئناف بمراكش العقوبة الحبسية الصادرة عن المحكمة الابتدائية بالمدينة ذاتها من 8 أشهر إلى سنة حبسا نافذا وغرامة قدرها عشرة الآف درهم.
وكانت باطمة خرجات فلايڤ على حسابها فانستگرام كتبكي وكتندب وقالت انها تستاحق عفو ملكي.. طبعا العفو ترفض