اللي دار راسو فالنخالة ينقبو الدجاج. باطما سبات وطغات وخرج فيها حكم ودابا كتبكي ف"لايڤ" باغية العفو. خاصها تنفذ الحكم ويتسحب ليها الاوسمة على هاد الوقاحة

فضيحة وآشمن فضيحة كبيرة باغية طيحنا فيها دنيا باطما. المطربة المغربية بلا حشمة وبلا حيا، وأكثر من ذلك بعبث ماستحضراتش فيها مبدأ سيادة القانون على الكل بدون استثناءات، طلبات باش سيدنا يعطيها عفو، بعد رفض المحكمة، طلب النقض لي قدماتو وتأييدها الحكم الاستئنافي الصادر في ما يخص قضية "حمزة من بببي".
دنيا احتقرات هاد العفو باش خرجات كتبكي فحسابها على الانستاگرام" وكتقول لسيدنا يعطيها عفو على حكم مازال ما طبقش فيها.
وهاد اللايف العجيب من ضمن ما كالت فيه هو أن المحكمة برئتها هي وشقيقتها ابتسام من حساب التشهير و الابتزاز المعروف ب"حمزة مون بيبي"، مبرزة أن القضاء في مرحلة الاستئناف، "رفع العقوبة الصادرة في حقها بسبب شهادة زور". وكالت أيضا أنها كتعرض لمؤامرة كبيرة تستهدف إنهاء مسيرتها الفنية، مدعية أنها تعرضت لمحاولة قتل بعد استهداف سيارتها بحجر قرب قنطرة بطريق القنيطرة. وأشارت بطمة إلى مشاركة طليقها محمد الترك في المؤامرة، عبر تسريب أسرارها وتحركاتها مقابل تلقي أموال.
كما كذبت باطمة، الفنانة سعيدة شرف، بشأن عدم التقدم بشكاية ضدها، مؤكدة أنها أقحمتها ظلما في ملف "حمزة مون بيبي".
يشار إلى أن محكمة الاستئناف بمراكش، كانت قد قضت بسنة حبسا نافذا في حق بطمة، بعدما أدينت ابتدائيا بثمانية أشهر حبسا نافذا.
فكلمتها الغبية هادي ما عتاذراتش على افعالها اللي جرمها القانون وحكم ضدها القضاء. ما اعتاذراتش لضحاياها. ما بدر منها حتى شي اسى.
دابا هادو اللي ختاروها باش سيدنا يعطيها الوسام وماشي واحد بل جوج٬ خاصهم يتحاسبو. راه كاين قسم مكلف غير بانتقاء للي ياخد وسام وفق شروط. دوك الاوسمة اساءت ليهم وخاص سحبهم منها اليوم ومن بعد يتنفذ فيها الحكم.
اللي باغي يربي بناتو خاصو يديها فخدمتو. هادي بنت عندها صوت مزيان وعوض تديها ففنها قلباتها معاطية. النتيجة ما كتخرج اغاني ما كتبدعهم وما عندها البومات من غير اعادة التراث بحال خربوشة. علاش غاديين يحسدوك الفنانة وانتي اصلا ماشي منهم. انتي كتغني اغاني غيرك. دابا خاص تطبيق القانون بعد هاد الزعامة ديال اللايڤ