حگرة للصادرات المغربية. نقابة للفلاحين ولات دولة. تلگات لكاميو ودات عينة لمختبر ولقات هاد المبيدات

كشف موقع" فرانس بلو" ان نقابة الفلاحة ديال فرانسا القوية FDSEA لقاو مبيدات حشرية ممنوعة فالاتحاد الأوروبي فالخضر اللي دخلات لاوروبا وناض عليها حصار وصداع والمظاهرات من طرف الفلاحة الأوروبيين.
وأوضح "فرانس بلو" انه فوقت الحصار على هاد الخضر الفلاحة فمدينة مونتيليمار خواو كاميوات أجنبية وتمت مصادرة بعض الخضروات من قبل FDSEA. وبعد التحليل المختبري تم الكشف على جوج مبيدات محظورين فالاتحاد الأوروبي. وأشار ان الأمين العامFDSEA، سيلفان برنارد، براسو كان حاضر فاش وقفو الخضرة تدخل ، وخرجات نتائج التحليل، وفهاد السياق كيصرح، " خدينا 6 عينات فكاميو ولقينا فيهم كلشي بقايا مبيدات حشرية. لقينا هاد الشي فالخضرة خاصة لخيار وماطيشة . هاد المبيدات محظورة عندنا". واضاف باللي لقاو فلخيار المغربي الكلوروثالونيل اللي قال راه محظور في الاتحاد الأوروبي من 2020. وزاد باللي لقاو حتى المبيد الحشري الآخر المحظور، وهو ثلاثي فلوكسيستروبين. هادا حسب الموقع٬ ماشي خطير ايلى كانت فيه جرعات منخفضة ولكن كيكون خطير الي هاد الجرعات طالعة.
دابا المشكلة هي كيفاش نقابة ديال الفلاحين تلقات لصادرات مغربية وتصرفات كدولة. فتحات الكاميو وداتو لمختبر ماشي ديال مراقبة الاغذية ديال الدولة الفرنسية وقررات تخرج تشوه المغرب.
دابا خاص لكونفدرالية المغربية للفلاحة والتنمية القروية المعروفة ب"كومادير"هي اللي تقاضي هاد النقابة وخاص المعاملة بالمثل وخاص "كومادير" تلقى لجميع اللي كيجي من فرانسا ويديو لمختبر ديالهم