الداعشي مول الفوقية كيهدد بحرب تقتل گاع لمغاربة بسباب المدونة نهار للي اللجنة قدمات مقترحاتها لاخنوش. ها اش قال وها كيفاش خلى اتباعو يسبو رئيس الدولة

المدعو مول الفوقية غلام شيخو ابو النعيم واحد المتشددين الدواعش كيهدد لمغاربة بحرب اهلية. فتدوينة ديالو كتب بعد ما سب اللي كيختالف معاه فالرأي باللي "اي محاولة للعب بالدين ستجرنا الى حرب أهلية" واضاف فتهديدو الحقير ان هاد الحرب ايلى بدات "والله لن تنتهي حتى يفنى نسلنا" اي ما يبقى حتى مغربي.
مناسبة هاد التدوينة عندو علاقة بتسلم رئيس الحكومة عزيز اخنوش اليوم بمقر رئاسة الحكومة مقترحات الهيئة المكلفة بمراجعة مدونة الأسرة باش يرفعها لرئيس الدولة الملك محمد السادس.
الداعشي هدد فنفس اليوم اللي تقدمات فيه هاد اللجنة بمقترحاتها. اخنوش كان قال فتصريح بعد مراسيم التسليم باللي استقبل "أعضاء الهيئة المكلفة بمراجعة مدونة الأسرة بعد انتهائها من مهامها، داخل الأجل المحدد لها في الرسالة الملكية السامية التي وجهها جلالة الملك ، وتسلمت من منسقها الدوري تقريرا عن مقترحات التعديل بشأن مدونة الأسرة"، قصد رفعها إلى الملك
واكد باللي الهيئة اشتغلات "وفق مقاربة تشاركية واسعة، عبر تنظيم جلسات للاستماع والإنصات إلى مختلف الفاعلين من منظمات المجتمع المدني العاملة في مجال المرأة والطفولة وحقوق الإنسان وأحزاب سياسية ومركزيات نقابية وقضاة وممارسين وباحثين أكاديميين ومؤسسات وقطاعات وزارية"
يعني وثيقة دارت وفق مقاربة تشاركية باش تخرج مدونة صالجة لمغرب اليوم. امثال مول الفوقية باغي يرجعنا اللاور. تهديدو كيكشف حقيقة هاد النوع من الاسلاميين.
نفس الداعشي خلى تعاليق كتسب رئيس الدولة وكتوصفو باوصاف غير لائقة وخلاها مادام لاتباعو ولامثالو