تبون كيهدد فالإمارات: فينما كاين شي تناحر كاينة فلوسكم والجزائر قدمات ملايين دالشهدا وماغاديش تركع

Elouali.zaz.1987@gmail.com
خرج الرئيس الجزائري، عبد المجيد تبون، لأول مرة باش يؤكد على الخلافات اللي كاينة بين الجزائر والإمارات العربية المتحدة، فالندوة الصحافية اللي دار مع إعلام العسكر.
ولأول مرة وجه الرئيس الجزائري، عبد المجيد تبون، تحذيرات بطريقة غير مباشرة لدولة الإمارات واتاهمها بأنها عندها يد فالصراعات اللي كاينة دابا، وقال فهاد الصدد "للصبر حدود"، محذرا من الاقتراب من الجزائر فاش قال "إن الجزائر قدمات ملايين الشهداء وما غاديش تركع".
ودعا تبون، فهاد الحوار اللي دار، دولة عربية باش توقف "التصرفات العدائية"، مضيفا أنه "فينما كان شي تناحر كاينة فلوس فمالي وليبيا والسودان"، مردفا "اللي يتبلى علينا راه للصبر حدود".
وتابع تبون مهددا الإمارات "مازال ما درنا حتى شي حاجة فيها عنف مع هؤلاء اللي كنعتابروهم أشقاء وكنطلبو ليهم الهداية"، مشيرا "أخذتهم العزة بالإثم والجزائر لن تركع. وخاصهم ياخدو العبرة من الدول العظمى التي تحترمنا كثيرا ونحترمها وقرارنا محترم عندها. إلى بغيتي تفرض تصرفاتك التي تطبقها على أناس آخرين علينا، فراك غالط بزاف مخطئ كثيرا. نحن 5 ملايين و630 ألف شهيد ماتوا على هذه البلاد وقربوا إلى بغيتو".