تبون شرا التوانسة ب150 مليون دولار وتسهيلات فخلاص الغاز

عبد المجيد تبون٫ الرئيس الجزائري تهلى فالتوانسة. دور معاهم مزيان فوقت الازمة. فلوس وتسهيلات. هاد الشي تعلن عليه فاخر يوم من زيارة رئيس تونس قيس سعيد للجزائر. فقد تقرر باش تودع الجزائر 150 مليون دولار كوديعة فالبنك المركزي التونسي. بها غادية تنفس هاد الدولة مزيان
ماشي غير هاد الشي. تهلى فيهم تبون حتى فمنحهم تسهيل دفع فاتورة الغاز والمحروقات طالما تونس تواجه مصاعب في الدفع” كيف قال رئيس الجزائر
تونس تنفسات مزيان بهاد الشي. اقتصادها موقدة عليه وهاد الشي يقدر يعاونها.
الجزائر وتونس كيعيشو الازمة الليبية. عندهم حدود مع هاد الدولة اللي فقدات مقومات الدولة اصلا. رئيس الدولتين قالو باللي عندهم “تطابق تام في المواقف” حول الملف الليبي وانو على طاولة النقاش بين البلدين، حيث تشعر كل من تونس والجزائر بقلق من تصاعد الصراع في هذا البلد المجاور”.