اتحاد العاصمة باغيين يلعبو وخايفين من الكابرانات: هددو ما يلعبوش ويرجعو فالطيارة اليوم للجزائر وفاللخر مشاو يترينيو

أكدت مصادر "گود" أن التهديدات اللي كيديرو فيها اتحاد العاصمة الجزائري قبل ماتش نهضة بركان هي محاولات يائسة لخرق قانون الاتحاد الإفريقي لكرة القدم، حيث خايفين من السلطات الجزائرية إذا مشاو حتى لعبو الماتش ضد الفريق المغربي وهو لابس التوني وفيه خريطة المغرب، وهو التوني المصادق عليه من طرف الكاف، ووصلت درجت الخوف ديال الفريق الجزائري من الكابرانات لدرجة انهم يرجعو للجزائر اليوم السبت قبل من موعد ماتش غدا الاحد ضد بركان فبركان ضمن دومي فينال كاس الكاف.
Loading Ad
00:01
/
01:10
Ad ends in 1m
وكشفت مصادر "گود"، أن مسؤولين اتحاد العاصمة الجزائري تالفين ودايخا بهم الوقت وما عارفين ما يديرو بسبب ضغوطات الكابرانات، وانهم مشاو يديرو الحصة التدريبية الأخيرة قبل المباراة، بعدما اعترضو خلال الاجتماعي التقني مع نهضة بركان قبل من الماتش، على توني الفريق المغربي حيث فيه خريطة المغرب، وهدّد بأنه ما غايلعبش الماتش إذا نهضة بركان دخلو بهاد التوني للماتش.
وحسب نفس المصادر فإتحاد العاصمة كيعيشو ضغط كبير من السلطات الجزائرية، حيث حتى القرار واش يلعبو الماتش ضد نهضة بركان أو ما يلعبوش ماشي بيديهم، حيث كيعيطو للجزائر باش ياخذو الأوامر قبل ما يديرو أي خطوة، والأكثر من هذا راه هددو باش يشدو الطيارة اليوم السبت ويرجعو للجزائر إذا نهضة بركان ما بغاوش يبدلو التوني ديالهم.
وواخا هكا غايديرو اتحاد العاصمة الجزائري آخر حصة تدريبية لهم قبل المباراة المبرمجة غدا الاحد.
ومشاو اتحاد العاصمة من لوطيل اللي گالسين فيه فالسعيدية إلى التيران البلدي فبركان، باش يديرو الحصة التدريبية الأخيرة قبل الماتش ضد نهضة بركان.