الملك يحدث "ثورة" في موضة الجلباب. مصممة ل"كود" مع العيد ردد الزبناء "بغينا جلابة بحال اللي لابس الملك" و"كود" تكشف أثمنة ما يرتديه

"الملك دار ثورة ديال بصح فعالم موضة الجلابة ديال الرجال" هذا ما أكدته مصممة مغربية بيضاوية ل"كود". المصممة التي رفضت الكشف عن هويتها أكدت ل"كود" أنه في عيد الاضحى هذا كان زبناؤها من الرجال يرددون "بغينا جلابة بحال اللي لابس الملك"

المصصمة توضح ل"كود" أنه في السابق "كان صعيب بزاف بزاف تلقى راجل يزعم على الألوان ولا على الجلابة المعطف، غير شافو الملك لابسها وهي تولي موضة حقيقية".

وتعتبر المصممة ل"كود" أن جولة الملك الخليجية وظهوره بجلباب أعاد ظهور الجلابة في صيغتها التقليدية مع اجتهاد على مستوى التصميم.

وحسب معطيات حصلت عليها "كود" فإن الملك يختار بنفسه الألوان والقماش، ويفضل خاصة "لبزيوي"، لأنه الأحسن والأرقى.

من تجليات ثورة الموضة في الموضة الرجالية ارتداؤه للجلابة المعطف "باش بان لابسها أول مرة حنا المصممين والمصممات خدمنا بها بزاف بزاف" تؤكد المصصمة ل"كود".

وأضافت ل"كود" إن هذا المعطف الجلابة "زعم عليه فاللول الصغار وبالألوان ودابا عاد كلشي الرجالة يلبسوه".

ولكن واش هاذ الجلالب غاليين، تقول مصممتنا أن سر إقبال المغاربة على جلاليب يرتديها الملك يعود بالأساس إلى كون كل الميزانيات قادرة على شرائها "الجلابة المعطف اللي بغاها ب5000 درهم يلقاها واللي بغاها ب400 درهم يلقاها، على حساب جودة القماش، بالنسبة للجلابة العصرية (بالألوان) ولا التقليدية، حتى هي مرتبطة بالألوان، من 600 درهم حتى 14 الف درهم" تحكي مصممتنا ل"كود".

المصممة تتوقع أن تتطور الموضة الرجالية في الملابس التقليدية بشكل كبير في المستقبل القريب وأن يتم تصديرها للخارج كما حدث مع "ثورة القفطان".