حصلت "كود" على فيديو حصري لشاب يدعى ايوب قاصر تعرض الخميس الماضي لاعتداء شنيع عندما تم حلق شعره داخل كوميسارية بالسور الجديد بالمدينة القديمة في الدارالبيضاء وقال ايوب ل"كود" "كنت غادي فالموطور. وقفني البوليس وطلب مني لوراق. عطيتهم ليم وهما يطلعوني لصطافيط. كالو لي: تحقيق الهوية".
ايوب قال ل"كود" "داوني لكوميسارية السور الجديد في الدارالبيضاء وعرفو باللي عندي سوابق حقاش تشديت جوجت المرات فالحبس ديال القاصرين".
ايوب قدم معطيات صادمة منها ان البوليس حيح لايوب "السورفيت نوع نايك اللي شراها ب800 درهم" وكبو عليها جافيل.
هنا يضيف ايوب انه دخل في نقاش مع البوليس "مانطوني= دارو لي المينوط= على لكرياج وقرعو لي". ايوب اكد ل"كود" ان بوليسي سري "جبد الطوندوز وحيد لي شعري. كانت عندي باندة شعر والجناب مقرعين. وكال لي من بعد "دابا انا نقصت عليه عشرة الدراهم ديال الحلاق. وباش خرجت عتقني صاحبي باش غطيت راسي" لحسانة كانت اهانة كبيرة تعرض لها ايوب "بكيت وحسيت بحكرة اخرى وبقى في الحال بزاف. ما تصرطاش لي باش دخلت على امي مسكينة عطاتني 200 باش نشري كاسكيط ودعات على البوليس اللي دار لي هاذ الشوهة
