مهدي بنكيران. أقصح وجه في المغرب. من استغلال صور العائلة الملكية والعمل الجمعوي لي جاب ليه 5 ديال الفيراري من الإمارات.. نعسنا وفقنا لقيناه مغني

أقصح وجه في المغرب هو هذا لي عند مهدي بنكيران. هاد رئيس ومؤسس جمعية محبي الملك محمد السادس كيستغل أي حاجة باش يبان ويحقق مصالح شخصية. فبعد ما لعب بصور العائلة الملكية باش يبين أنه قريب من محيط الملك، وخدم مزيان بالعمل الجمعوي لي جاب ليه 5 ديال فيراري من الإمارات، هاهو اكتشف، أخيرا، أنه عندو موهبة جديدة.

هاد الموهبة هي الغناء. السيد حتى الموجة ديال لغنا مزكلهاش وعمل أيضا على استغلالها، بعدما شاف أنها عاطيا هاد الأيام وكانت وراء تقليد عدد من الفنانين بأوسمة ملكية بعد ما كانت أغانيهم وراء نشر الدراجة المغربية في العالم العربي.

وجاء ذلك بإصدار أغنية تحت عنوان "قولو أجي". هاد الأغنية كتبدا كلماتها ب "آه آه آه آه… إي إي إيه.. أجي راني حال باي لكاع حبابي وصحابي..".

مهدي بغا يبين لشي ناس أنه من الشباب لي كيقدمو صورة زوينة على بلادهم، ساعة كاع داكشي لي كيدير كتكون نتائجه عكسية وكتبين بأنه "ماشي بحالهم".