سكوب. واش بصاح رئيس الحكومة تدخل لبنتو سومية باش تخدم ولا غير الشعبوية؟ مصدر مقرب منه ل"كود": بنكيران ما فراسوش بنتو سومية كاع نجحات وهاد الشي كولو غير ب7 الاف درهم واش بغاو بنت رئيس الحكومة تفقد حقوق المواطنة

واش بصاح رئيس الحكومة عبد الاله بنكيران دخل لبنتو سومية باش تخدم فالقطاع العام وبالضبط فالامانة العامة للحكومة؟ انتشر الخبر وذهب البعض الى ان بنكيران تدخل لبنته. قبل الاجابة بشحال غادية تخلص بنت رئيس الحكومة؟ حسب مصدر ل"كود" فان المنصب المالي لا يتجاوز 8 الاف درهم. اي هاد الصداع كلو على هاد الشهرية؟
ولكن ممكن واخا الراتب بسيط وماشي كبير واش بنكيران عندو شي دور؟ حسب مصدر مقرب من رئيس الحكومة ل"كود" فان هذا الاخير "ما فراسوش حتى نجحات" اكثر من ذلك يقول مصدر "كود" "بنكيران خبرو غير صحافي والله ما فراسو باللي بنتو نجحات فهاد المباراة ديال الامانة العامة للحكومة". بالاضافة الى هذا المنصب قال مصدر "كود" "المشكلة فهاد القضية هو شي ناس باغيين بنت رئيس الحكومة تفقد حقوق المواطنة. هي تقدمات بحالها بحال جميع المرشحين وثانيا واش كون بغى رئيس الحكومة تخدم وتربح فلوس كثيرة غادي يخليها تقدم لمباراة لولوج الامانة العامة راه كلشي كيمشي للقطاع الخاص واللي ممكن يخلص التريبل وبلا ما يصدعك حد".
مصدر "كود" اكد ان بنكيران استغرب لما نشر وللجهات التي تحاول المس بصورته واعتبر الامر غير مفهوم "واش لممارسة حق من حقوق المواطنين كيضربوه. هاد الشي نازل بزاف" يضيف مصدر "كود"