فالوقت الناس من العالم كامل مجموعين كيحتافلوا بأحد أهم التواريخ ديال تحرر الشعوب وحكم الشعب نفسه بنفسه فأحد أهم الديمقراطيات الملهمة للعالم ، كيجي واحد متشبع بالفكر الظلامي باش يدهس الأطفال والعيالات والرجال والمواطنين الآمنين لي كيحتافلوا بإنطلاق العصر

فالوقت لي خارج واحد كيحتافل بالصيف وبالحرية، وفذكرى الكونط ميرابو وذكرى الافراج اللامشروط على المركيز دوساد وذكرى روبيس بيار ومقصلة الحرية ، واحتفالا بالحرية والعدالة لي جابتها معاها هاد الاحداث لفرنسا والعالم ، وفذكرى أول ميثاق لحقوق الإنسان ، وفذكرى الحدث الملهم للعديد من ثورات الأحرار ومنهم ثورة الشاي لي جا من وراها استقلال أمريكا أرض الرجال الأحرار ، كيجي حزوق وكيدوز فيه برموك كنتاج لهاد الحرية ، باش يفكر الفرنسيين ان تقطاع رؤوس اعداء الشعب استمر خمس سنوات وتقطعو رؤوس ناس مادايرا لا بيديها لا برجليها غي من اجل ارضاء الشعب واعادة الاعتبار ليه وتكريما للطقوس الكلتية القديمة … مشا هباء منتورا لأنه شمل ناسا لا يستحقونها .
فالوقت الناس من العالم كامل مجموعين كيحتافلوا بأحد أهم التواريخ ديال تحرر الشعوب وحكم الشعب نفسه بنفسه فأحد أهم الديمقراطيات الملهمة للعالم ، كيجي واحد متشبع بالفكر الظلامي باش يدهس الأطفال والعيالات والرجال والمواطنين الآمنين لي كيحتافلوا بإنطلاق العصر الحديث للحضارة البشرية ، كيدهسهم ابتغاء مرضاة الله ووسط فرانسا الحرة ، فرانسا لي عطاتو الحرية وعطاتو عدة امتيازات أخرى فرانسا لي مواطينيها كيخلصوا الضرائب لي كيستافد منها هو فعدة قطاعات ديال الرعاية الإجتماعية ، وكيجي فاللخر وكيهدم داكشي كامل تأثرا بآش حامل معاه من عقيدة جابها من فين تزاد ، حيت لا مكان للحرية ، حيث العبودية لله وخليفته في أرضه ، وجزاء هاد العبودية هو الجنة لي موحال واش واصلة حتى للقصر ديال ماريا كاري .
وطبعا فنفس الوقت كاين المغرب لي هو دولة اغلب سكانها داعشيين مع وقف التنفيذ (انا منهم)ومع ذلك تنعم بالسكينة والهدوء .. وكيكتفي داعشيوها الاكثر تصالحا مع نفسهم بالسفر لسوريا للجهاد انا داعشيو الداخل المخصيون راهم كيحلو كروبات ديال محاربة التعري فالشواطئ وكيصورو بنات الناس وكيلوحوهم فهادوك الكروبات بدعوى محاربة التعري ومن اجل التكفات ليلا .. علاش باقي مهبطوش للبحر واعتدوا على البنات بشكل جماعي … حيث مكايناش الحرية للبكر فالمغرب راك فاهم