عبث: هاد الداخلية ما باين ليها غير العدالة والتنمية. دايرة عليها حرب شاملة فكل المدن: كاليك جمعية مقربة من المصباح خدامة فالانتخابات

بزاف هاد الشي وغاي ينقلب ضد الدولة ماشي ضد وزارة الداخلية. كل مرة كيوقفو ولا كيحبسو نشاط شي جمعية والسبب علاقتها بالبي جي دي والانتخابات. اسطوانة ما شاداش. حقاش ما كاينش شي جمعية فالمغرب ما عندهاش علاقة بشي جهة. الغالبية العظمى معروفة لمن تابعة والباقي مقسماه الاحزاب. وباراكا ما تستبلدو المغاربة. اخر ما غنات ام كلثوم كاليك رئيس الملحقة الإدارية السادسة عشرة بتراب مقاطعة السواني بطنجة، لجأ إلى مفوض قضائي من أجل إخبار جمعية مقربة من حزب العدالة والتنمية، من القيام بأي نشاط خيري متزامن مع إجراء الاستحقاقات التشريعية المقبلة يقول مصدر "كود".
ونفس المصدر اللي باينة نيتو اش باغي ذكر "كود" بان المصالح الترابية التابعة لوزارة الداخلية بتطوان، كانت قد استنفرت عناصرها من أجل التحري عن جمع تبرعات انتخابية بطريقة غير قانونية من طرف جمعية تقودها شخصية حزبية، فيما استعانت جمعيات تابعة للنسيج المدني بتطوان، بمفوض قضائي لمعاينة وإثبات ما تقوم به هذه الجمعية النسائية، من تجاوزات انتخابوية بتطوان.
تعاملو مع الجميع بحال بحال دابا جمعية كتعاون الفقرا ايلى دارت شي نشاط قبل سابع اكتوبر راها حملة لشي مرشح. حقاش منين كتجيب لفلوس من عند مالين لفلوس وهادو كيكونو مرشحين وخاص مقابل لفلوسهم. باراكا ما تصطاو على لمغاربة وماشي بهاد الشي تربحو العدالة والتنمية