سيتم حجب هذه الصورة تلقائيا عندما يتم الإبلاغ عنها من طرف عدة أشخاص.
الحبيب المالكي اللي كان غادي يتسبب فازمة سياسية غير مسبوقة فالمغرب وتدفع بنكيران للاستقالة بعد اقل من اسبوع من تعيينه مازال منوض الصداع. لشكر باغيه والاستقلال رافضينو حقاش محسوب على البام
احمد الطيب وعادل المكناسي //// القيادي الاتحادي رئيس المجلس الوطني لحبيب المالكي اللي كان حاضر مع ادريس لشكر الكاتب الاول لحزب الاتحاد الاشتراكي هادي يومين في اولى مشاورات رئيس الحكومة المعين عبد الاله بنكيران مع الاحزاب السياسية٬ ما جاش غير هاكاك. السيد طامع يكون رئيس مجلس النواب. المصيبة ان رغبتو لكبيرة فالحصول على هاد المنصب كانت غادية تسبب فازمة سياسية كبيرة بزاف. فقد تحرك لشكر والمالكي من اجل ضمان رئاسة مجلس النواب. هاد الشي دارو بعيدا عن منطق التحالف الحكومي. اعتمد على المكون الرئيسي للمعارضة الاصالة والمعاصرة. كان اجتماع حزبي كاع لكن حزب الاستقلال اعترض على الامر قبل ان يعلن الطلاق بلا رجعة مع حزب الاصالة والمعاصرة. حسب مقرب من رئيس الحكومة ل"كود" "كون مشاو فالمعارضة حتى خرجو بيان كيكول باللي المالكي رئيسا لمجلس النواب وكالو الاحزاب الداعمة له كانت فنفس اليوم غادية تكون استقالة رئيس الحكومة المعين قبل اسبوع. كيفاش يقبل شي سياسي فالعالم تكون اغلبية من المعارضة وهو مازال ما بداش المشاورات. هادوك اللي فالمعارضة يشكلو حكومة". هاد الشي كون وقع كانت غادية تكون شوهة كبيرة. البعض تبرأ من كل شيء وكال هاد الشي ما كاينش. دابا ولى لحبيب المالكي ما بقاش مرشح الاغلبية اللي كتكون. حزب الاستقلال ما قابلينوش وبنكيران لحد الان ما باغيش يتكلم فالموضوع قبل ان يعلن حزب الاتحاد الاشتراكي موقفا رسميا من المشاركة فالحكومة. المالكي لصقات فيه محسوب على البام وصعيب الاغلبية تدعمو. الاستقلال يقدر يقبل على مضض باتحادي في مجلس النواب ولكن بحال عبد الواحد الراضي ماشي بحال لحبيب المالكي. مصادر "كود" تقول ان حزب الاستقلال ما عينوش فرئاسة مجلس النواب. يمكن يعطيو هدية للاتحاديين ولكن في اطار تشكيل الحكومة اي تاخدو يا لاتحاديين اللي ما جبتو حتي فريق فالبرلمان هاد الشي وتخلاو على الوزرات. دابا ايلى الحركة الشعبية قبلات الدخول للحكومة تقدر تشكل بلا اتحاد اشتراكي
